მადრიდის "რეალის" ახალგაზრდა მცველმა, სერხიო რამოსმა, "ლიონთან" მატჩის წინ ივარაუდა, რომ მისი გუნდი მეტოქის 3–0 დამარცხებასა და 1/4 ფინალური ეტაპის საგზურის მოპოვებას შეძლებდა. შეხვედრის ფრედ, 1–1 დასრულების შემდეგ, ესპანელთან "ლეს გონესის" ფეხბურთელები, სეზარ დელგადო და ლისანდრო ლოპესი მივიდნენ, რომლებმაც წინა დღეს გაკეთებული პროგნოზი შეახსენეს და კლუბისა თუ პირადად მის მიმართ დამცინავი სიტყვებიც არ დაიშურეს. ბუნებრივია, შეურაცხმყოფელებს ვალში არც რამოსი დარჩენია...