მადრიდის ”რეალის” მეტოქემ უეფას ჩემპიონთა ლიგის გათამაშებაზე, ფრანგულმა ”ლიონმა” გამარჯვებების სერია შაბათს საღამოს შეწყვიტა, როდესაც ლიონელებმა გასვლით მატჩში ”ბულონთან” ნულოვანი ფრე დაასრულეს.

მადრიდის "რეალმა" ლა ლიგის 25–ე ტურის მატჩში საკუთარ მოედანზე "სევილიას" უმასპინძლა და 3:2 დაამარცხა. თავდაპირველად სტუმრები იგებდნენ 0:2–ს, მაგრამ "თეთრებმა" ჯერ ანგარიშის გათანაბრება, შემდეგ კი გამარჯვებაც მოახერხეს. მე–60 და 64–ე წუთებზე გოლები კრიშტიანუ რონალდუმ და სერხიო რამოსმა გაიტანეს, რის შემდეგაც ანგარიში 2:2 გახდა. მსაჯის მიერ დამატებულ მე–2 წუთზე კი რაფაელ ვან დერ ვაარტმა მოახერხა გამარჯვების გოლის გატანა. ამ მატჩის შემდეგ "რეალი" "ბარსას" ქულებით დაეწია და მეტი გატანილი გოლების გამო გალიდერდა კიდეც.